Breaking News
केशवराव खाड्ये मार्गावरील रेल्वे उड्डाणपुलाच्या पहिल्या टप्प्यातील बांधकामाचा मार्ग मोकळा
- सोळा अतिक्रमणे हटवली
मुंबई : लोकवार्ता टाइम्स
मुंबई महानगरपालिकेमार्फत केशवराव खाड्ये मार्गावर महालक्ष्मी रेल्वे स्थानकाजवळ, रेल्वेमार्गावर उड्डाणपूल बांधण्यात येणार आहे. या पुलाच्या बांधकामामध्ये बाधित होत असलेल्या ४८ पैकी १६ बांधकामे पहिल्या टप्प्यात काढण्यात आली. यामुळे उड्डाणपुलाच्या पहिल्या टप्प्यातील बांधकामाचा मार्ग मोकळा झाला आहे.
महानगरपालिकेमार्फत संत गाडगे महाराज चौक (सातरस्ता) येथून केशवराव खाड्ये मार्गावर हाजी अलीच्या दिशेने केबल स्टेअड पद्धतीने पूल बांधण्यात येणार आहे. हा पूल सध्याच्या महालक्ष्मी पुलावरील वाहतूक कमी करण्यासाठी मदतकारक ठरणार आहे. तसेच सध्या काम सुरु असलेल्या सागरी किनारा रस्तावरुन येणारी आणि दक्षिण मध्य मुंबईकडे जाणारी वाहतुकही सुरळीत होणार आहे.