Breaking News
२४ प्राईम व्हिजन न्युज
मिरा भाईंदर महानगरपालिका मा. आयुक्त यांनी अचानक भेट देत प्रभाग समिती क्रमांक 01 कार्यालयाची केली पाहणी..
वेळेत कार्यालयात उपस्थित न राहणाऱ्या 14 अधिकारी, कर्मचारी यांना कारणे द्या नोटीस बजावण्यात आल्या..
मिरा भाईंदर / संदिप शां. शिंदे.
मिरा भाईंदर महानगरपालिका प्रभाग कार्यालयात काही कर्मचारी वेळेत हजर राहत नाही अश्या प्रकारच्या प्राप्त होणाऱ्या तक्रारींच्या अनुषंगाने दिनांक 06 जानेवारी 2023 रोजी मिरा भाईंदर महानगरपालिका आयुक्त तथा प्रशासक श्री दिलीप ढोले यांनी प्रभाग समिती क्रमांक 01 कार्यालयास अचानक भेट देत सुरू असलेल्या कामकाजाची व कार्यालयाची पाहणी केली.
प्रभाग समिती क्रमांक 01 कार्यालयात अधिकारी व कर्मचारी वेळेत हजर आहेत की नाही याबाबत तपासणी करण्यात आली. तसेच मा. आयुक्त यांनी हजेरी रजिस्टरची तपासणी करत वेळेत कार्यालयास उपस्थित न राहणाऱ्या 14 अधिकारी व कर्मचाऱ्यांची गैरहजेरी लावून त्यांना कारणे द्या नोटीस बजावण्याच्या सूचना दिल्या. कार्यालयात अतिरिक्त फाईलचा साठा कुठेही न ठेवता त्यासाठी रॅक तयार करून घेण्याच्या सूचना देण्यात आल्या. तसेच प्रभाग कार्यालय परिसरात नियमित साफसफाई व स्वच्छता ठेवण्याचे निर्देश आयुक्त तथा प्रशासक श्री. दिलीप ढोले यांनी कर्मचाऱ्यांना दिले.
रिपोर्टर