Breaking News
२४ प्राईम व्हिजन न्युज..
यशस्वी सापळा कारवाई
काशीमिरा पोलीस ठाण्याचा पोलीस शिपाई लाच घेताना लाचलुचपत प्रतिबंधक विभागाच्या सापळ्यात अडकला..
रात्री उशिरापर्यंत धंदे सुरू ठेवण्यासाठी काशी मिरा पोलीस ठाण्यातून हप्ता वसुली सुरू..
मीरा भाईंदर / संदिप शिंदे.
भ्रष्टाचारात सर्वच शासकीय अधिकारी पुढे आहेत या अधिकाऱ्याच्या पावलांवर पाऊल ठेऊन दुय्यम अधिकारी, सर्व वर्गातील लोकसेवक भ्रष्टाचारात पुढे आहेत.
भ्रष्टाचारात मोठ्या प्रमाणात अडकलेले पोलीस अधिकारी यांच्या मुळे राज्यात पोलीस दलाची प्रतिमा खराब झाली असून भ्रष्टाचार काही कमी होत नाही उलट वाढतच चालला आहे.
काशी मिरा पोलीस ठाण्यातील वरिष्ठ अधिकारी असून ही पोलीस शिपाई यास लाच लुचपत प्रतिबंधक ठाणे विभागाने निव्वळ ५०००/- रुपयाची लाच स्वीकारताना रंगेहाथ अटक केली.
मीरारोड येथे नव्याने चालू केलेले हॉटेल रात्री उशिरा पर्यंत चालू ठेवण्यासाठी साठी ५०००/- रुपये हप्ता मागणारा रामचंद्र यशवंत बांगर वय -३१, हा पोलीस शिपाई या पदावर कार्यरत असून श्याम चंदेश्वर पंडित या इसमाच्या माध्यमाने हॉटेल व्यासायिकांकडे रात्री उशिरा हॉटेल चालवण्यासाठी ५०००/- लाच मागितली होती तडजोडी अंती १५००/- देण्याचे ठरले.
लाचलुचपत प्रतिबंधक ठाणे विभाग यांस माहिती मिळताच सापळा लावण्यात आला त्यात खाजगी इसम श्याम चंदेश्वर पंडित यांनी १५००/- रुपये स्वीकारून ते पैसे पोलीस शिपाई रामचंद्र यशवंत बांगर यास देताना लाचलुचपत प्रतिबंधक विभागाच्या ठाणे युनिट ने रंगेहाथ पकडले.
सदर कारवाही श्री. सुनील लोखंडे, पोलीस अधीक्षक, एसीबी ठाणे, व श्री अनिल घेरडिकर अप्पर पोलीस अधीक्षक एसीबी ठाणे यांच्या मार्गदर्शनाखाली करण्यात आले सदर सापळा आणि पुढील चौकशी सौ. अश्विनी संतोष पाटील, पोलीस उप अधीक्षक, पोहवा/महाडिक, मपोहवा/शिंदे, पोना/पाटील, चा पो हवा/शिंदे यांच्या कडे चालू असून काशी मिरा पोलीस ठाण्याचे वरिष्ठ पोलीस अधिकारी यांच्या कार्यपद्धतीवर प्रश्न निर्माण होत आहेत जेथे आधीच भ्रष्टाचारामुळे पोलीस दलाची प्रतिमा खराब झाली असून वरिष्ठ पोलीस निरीक्षक सदर प्रकरणावर काय कारवाही करतात ? भ्रष्ट कामावर कारवाही करण्याची पोलीस आयुक्त सदानंद दाते यांची भूमिका महत्वाची असेल.
रिपोर्टर