रविवारपासून व्यावसायिक गॅस सिलिंडर महागणार, कंपन्यांनी केली 209 रुपयांनी वाढ.
मुंबई : गुरुदत्त वाकदेकर
तेल विपणन कंपन्यांनी व्यावसायिक एलपीजी गॅस सिलिंडरच्या किमतीत वाढ करण्याची घोषणा केली आहे. सूत्रांनी दिलेल्या माहितीनुसार, रविवार म्हणजेच 1 ऑक्टोबरपासून 19 किलोच्या व्यावसायिक एलपीजी सिलिंडरची किंमत 209 रुपयांनी वाढणार आहे. या वाढीमुळे दिल्लीत 19 किलोचा व्यावसायिक एलपीजी सिलिंडर 1731.50 रुपयांना उपलब्ध होणार आहे.
1 सप्टेंबर रोजी तेल कंपन्यांनी व्यावसायिक गॅस सिलिंडरच्या किमती 158 रुपयांनी कमी केल्या होत्या. यानंतर दिल्लीत 19 किलोच्या व्यावसायिक गॅस सिलिंडरची किंमत 1,522 रुपयांवर आली. ऑगस्टच्या सुरुवातीलाही तेल कंपन्यांनी व्यावसायिक एलपीजी गॅस सिलिंडरच्या किमती 99.75 रुपयांनी कमी केल्या होत्या.
त्याचमुळे, गेल्या दोन महिन्यांत व्यावसायिक गॅस सिलिंडरच्या किमती सुमारे 258 रुपयांनी कमी झाल्या आहेत. व्यावसायिक गॅस सिलिंडरच्या किमतीतील ताज्या वाढीचा परिणाम महागाईवर होऊ शकतो. विशेषतः, रेस्टॉरंटमध्ये खाण्यासाठी तुम्हाला जास्त पैसे द्यावे लागतील.
रिपोर्टर