Breaking News
२४ प्राईम व्हिजन न्युज..
मुंबई कांदिवली येथील शिवसेना, मनसे, राष्ट्रवादी काँग्रेस पक्षाचे अनेक पदाधिकाऱ्यांनी आणि कार्यकर्त्यांनी बाळासाहेबांची शिवसेना पक्ष शिंदे गटात प्रवेश केला..
मुंबई कांदिवली विभागातील शिवसेना, मनसे, राष्ट्रवादी काँग्रेस पक्षाला झटका..
मुंबई : संदिप शां. शिंदे.
मुंबईतील कांदिवली येथील शिवसेना, मनसे तसेच राष्ट्रवादी काँग्रेस पक्षाच्या अनेक पदाधिकाऱ्यांनी, कार्यकर्त्यांनी तसेच शिवसेनेच्या भारतीय चित्रपट कामगार सेनेचे कार्याध्यक्ष सुशांत शेलार यांनी मुख्यमंत्री एकनाथ शिंदे यांची भेट घेऊन बाळासाहेबांची शिवसेना पक्षात, शिंदे गटात जाहीर प्रवेश केला.
मुंबई शहरातील कांदिवली विभागातील महिला विभाग संघटक विशाखा मोरे, राष्ट्रवादी काँग्रेसच्या सरचिटणीस मनिषा गांगण, महाराष्ट्र नवनिर्माण सेनेचे महाराष्ट्र प्रदेश चिटणीस रोहन राणे, मनसे चित्रपट सेनेचे उपाध्यक्ष प्रशांत शिंदे यांच्यासह अनेक कार्यकर्त्यांनी पक्षात प्रवेश केला.
एकनाथ शिंदे यांनी कार्यक्रमात सर्वांचे पक्षात मनापासून स्वागत करित त्यांना भावी राजकीय आणि सामाजिक वाटचालीसाठी शुभेच्छा दिल्या. बाळासाहेबांची शिवसेना पक्षाची भूमिका विशद करताना कांदिवली परिसराला भेडसावणारे प्रश्न नक्की सोडवण्यात येतील अशी ग्वाही यावेळी दिली.
सदर पक्ष प्रवेश प्रसंगी खासदार राहुल शेवाळे, माजी आमदार कॅप्टन अभिजित अडसूळ, बाळासाहेबांची शिवसेना पक्षाच्या प्रवक्त्या सौ.शीतल म्हात्रे, महिला विभाग संघटक सौ.कला शिंदे, बाळासाहेबांची शिवसेना पक्षाच्या नेत्या आशा मामिडी तसेच पदाधिकारी आणि सहकारी मोठ्या संख्येने उपस्थित होते.
रिपोर्टर